 |
| फोटो : स्सामाजिक संजाल |
पर्वत, असोज-१७, म्याग्दी र मुस्ताङलाई राष्ट्रिय राजमार्गसँग जोड्ने कालीगण्डकी करिडोर अन्तर्गत मालढुंगा-बेनी सडक अवरुद्ध बनेको छ । केहिदिन देखिको निरन्तरको वर्षा सँगै पर्वतको जलजला गाउँपालिका वडा नं. ७ केरावारीमा झरेको पहिरोले सडक अवरुद्ध बनेको हो ।
पहिरो झर्ने क्रम रोकिएको छैन । वर्षा नरोकिएकाले पहिरो पन्छाउने काम समेत हुन नसकेको जिल्ला ट्राफिक प्रहरी कार्यालय पर्वतका प्रमुख सुमन निउरेले जानकारी दिनुभयो ।
यस क्षेत्रमा अहिले पनि ठुलो वर्षा भैरहेको छ । पहिरो खस्न समेत रोकिएको छैन, त्यसैले बाटो खुलाउने काम गर्न नसकिएको निउरेले वताउनुभयो । वर्षा रोकिएलगत्तै सडक खुलाउनका लागि डोजर र सुरक्षाकर्मी परिचालन गरेर खुलाउने प्रयास जारि राखिएको रे केहिसमयमा खुल्ने उहाँले बताउनुभयो ।
सडक अवरुद्ध हुँदा मुस्ताङ र म्याग्दीवाट छुटेका सवारीसाधन मिलनचोकमा अलपत्र बनेका छन् भने अन्यत्रवाट आएका सवारीसाधनहरु लस्तीबजारमा रोकिएका छन् । केहि साना सवारीसाधनहरु भने बागलुङतर्फवाट वैकिल्पक मार्गको प्रयोग गरी गन्तव्यतर्फ गईरहेको प्रहरीले जनाएको छ ।
.jpg)
