बेनी, साउन-३०, म्याग्दीमा जिल्ला फुटबल संघ पुनर्गठन भएको छ । शनिबार बेनीमा भएको एक कार्यक्रमले जिल्ला फुटबल संघ म्याग्दीको नयाँ नेतृत्व चयन गरेको हो । नयाँ कार्यसमितिको अध्यक्षमा दिलिप बुढाथोकी चयन भएका छन् । त्यसैगरी समितिको उपाध्याक्षमा सिद्धार्थ शाक्य, सचिवमा कुमार बानियाँ, कोषाध्यक्ष बिजय थापा चयन भएका छन् ।
त्यस्तै समितिको सदस्यहरुमा बिबेक हमाल, सुरेश पुर्जा, सौगात गुरुङ बिजय घर्ती, असल केसी, सन्दीप हमाल, र बिबेक राना निर्वाचित भएको सचिव कुमार बानियाँले जानकारी दिए । आजै बसेको समितिको पहिलो बैठकले बादल आले र बिकेस शेरपुञ्जालाई सदस्यमा मनोनित गरेको छ ।
कार्यक्रम निर्वतमान कार्यबाहक अध्यक्ष श्यामकुमार कंडेलको अध्यक्षता, सचिव कुमार किसानको सञ्चालनमा सम्पन्न थियो कार्यक्रममा जिल्ला खेलकुद विकास समितिका अध्यक्ष दिनेश केसीले मन्तब्य ब्यक्त गरेका थिए ।
.jpg)
