काठमाडौँ : नेपाल सरकारले आगामी अक्टोबर १७ अर्थात् अबको एक सातादेखि विदेशी पर्यटकलाई नेपाल प्रवेश गर्न अनुमति दिने भएको छ ।
संस्कृति, पर्यटन तथा नागरिक उड्डयन मन्त्रालयले कोभिड १९ संक्रमणको नेगेभिट रिपोर्ट लिएर आउने विदेशी पर्यटकलाई प्रवेश गर्न दिने भएको हो । प्रधानमन्त्रीसँग विभिन्न मन्त्रालयका मन्त्रीहरुको बैठकपछि पर्यटन मन्त्रालयले यस्तो घोषणा गरेको हो । सरकारी अधिकारीहरुका अनुसार विदेशी पर्यटकले नेपाल भ्रमण गर्नुअघि पछिल्लो ७२ घण्टाको पीसीआर नेगेटिभ रिपोर्ट पेश गर्नुपर्नेछ ।
सरकारले पर्यटकको कोभिड बिमा पनि मिनाहा गर्ने भएको छ । तर यस सम्बन्धी बिरामी भएको खण्डमा उनीहरुले उपचार खर्च आफैँ व्यहोर्नु पर्ने बताइएको छ । साथै पर्यटकलाई त्रिभुवन अन्तर्राष्ट्रिय विमानस्थलमै पनि भिसा दिइनेछ ।
-अन्नपूर्ण पोष्टबाट
.jpg)
